منتديات سمو الذوق للبنات فقط



 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 إذا أنتي تغتابين أو أنتي متضايقه من الغيبه حياك عندي شوي

اذهب الى الأسفل 
كاتب الموضوعرسالة
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: إذا أنتي تغتابين أو أنتي متضايقه من الغيبه حياك عندي شوي   الأحد يونيو 01, 2008 5:55 am

بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه أجمعين ومن تبعه بإحسان إلى يوم الدين أما بعد
أبقى أتركن مع هذا الموقف شوي
نجود : شفتي يانوف فستان وعد بعرس نايف يووووووه يفشل كأنها قاطعه ستارة سواقهم وجايه يع
نوف: ههههههه الله يقطعها لا وبعد شعرها نافشتنّه من قدام تقلين مركبه مظله بكشتها
نجود: مسكينه تحسبه تطور ههههههههه
نوف : الله لايبلانا الناس وصلت القمر وتعدته وهي للحين بموضة المظلات هههه
نجود : خخخ أي موظه أول مره أسمع بها
نوف: شفتي كشتها من قدام هذي موضة المظلات هع هع هع
نجود : إيه ههههههههههههه الله لا يبلانا
ريم : ورى ضحكاتكن واصله لآخر الدنيا شركنّي معكن عساه خير
نجود : هذي وعد بعرس نايف هههههههه تحفه مسكينه
نوف: ههههههه قعدت يومين أضحك عليها خخخ
ريم : أستغفر الله ورى ماتتركن البنت بحالها وش دعواكن بها هاه وإلا عشانها ماشاء الله جميله وأخلاقها ذوووووووق أستغفر الله متى بتتركن الغيره الله يهداكن بس
نجود : طررررررررررراخ طاحت من الضحك أقول يالمفتيه ضفي وجهك قالت جميله هع هع الجمال إذا شاف وعيده يطير هع هع
نوف: نجوده خلينا نغير المكان أفضل أخاف تجينا عدوى التعقيد يالله لك الحمد بس
نجود: على قولك ياغلاي فلنذهب
ريم: الله يشفيكن من الذنوب والله إنكن علي غاليات بس وش نقول
قال تعالى
(( وغركم بالله الغرور))
هذا المشهد ومثله كثيررررر دوم يمر علينا مجالس ناكل فيها لحوم بعضنا البعض مجالس بخورها الرياء وزينتها الكذب وطعامها لحوم الخلايق
مجالس ليه نروحها وحنا عارفين بلاها بكل بسااااااااااطه نتسلى ورى التعقيد ترى الدين يسر وإذا كان عندنا ذنب واحد وش يصير على الأقل حنا أحسن من غيرنا فلانه تسوي وعلانه تفعل
ونسينا أو تناسينا بأن الحجر الصغير فوق الحجر الصغير يصير جبل وأساسا الغيبه مهيب ذنب صغير الغيبه من الكبائر ومن أسباب عذاب القبر
عشان كذا راح نروح لرحله بسيطه بسميها رحلة إقناع وإقتناع نحدد فيها أسباب الغيبه وطرق معالجتها والطريقه الصحيحه للنصح
أول حاجه ليه حنا نغتااااااااااب وش السبب الرئيسي للغيبه
(((عدم وضع مخافة الله أمام أعيننا ))) فلو حنا خفنا عقاب الله وخفنا من جبروته وقدرته علينا ماكان تجرأنا على تعدي حدوده
قال تعالى (( وماقدروا الله حق قدره والأرض جميعا قبضته يوم القيامه والسماوات مطويات بيمينه))
وطيب وش العلاج لهذا السبب
إذا حبيتي تغتابين قبل ماتحركين لسانك تذكري بأن الله تعالى قادر يشله ويمنعك من الكلام ومن اللي يقدر يرد الضر عنك إذا الله أراد أنه يضرك ويشل لسانك هاه من قبيلتك عشيرتك هلك ناسك غواليك من قولي من ؟؟؟؟؟؟!!!!
وإذا حبيتي تعصينه وتغتابين تذكري بأنك بملكه ومالك مفر من أقطار هذا الملك 000
وإذا فكرتي بس تجربين روحي شوفي عاد وثمود وش نهاية طريقهم قال تعالى ((( وما قوم عاد منكم ببعيد)))
وإذا بتكملين وتغتابين الله يعينك بصراحه تحديتي الجبار وعصيتيه وأنتي الضعيفه
خلينا نكمل وندور باقي الأسباب
السبب الثاني
الغيررررررررره
وبيني وبينكن مهوب أكثر الناس اللي تنأكل أعراضهم هم الناجحين بالحياه أو بينا حنا النساء الجميلات واللي حياتهن سعيده مررررره واللي واللي 000000
فإذا كانت بنت جميله لازم ندور عيب بها مثلا لازم تشوفين إذا وحده مدحت وحده وقالت ماشاء الله بنت فلان جمييييييييله تقول الثانيه أهم شي الأخلاق وطوووووووووووط حش ونش بهالجميله بس لأنها غارت منها
العلاج أول شي من اللي وهبها الجمال أنتي وإلا هلك وإلا من؟؟؟؟؟؟؟
اللي وهبها الجمال ربي وربك ورب كل شي بحكمته وعدله000
فليه تحسدينها بشي ربك اللي أعطاها إياه بحكمته فلو أنتي رضيتي بالله ربا أكيد راح ترضين بحكمه وتقديره لك لأنه وش يدريك إذا كنتي بجمالها راح تأمنين الفتن
وترى الحسد هو السبب وراء تكذيب أبو جهل لمحمد صلى الله عليه وسلم وتكذيب اليهود نبوة محمد صلى الله عليه وسلم
فالعلاج في هذي الآيه قال تعالى (( ولا تمدن عينك إلى مامتعنا به غيرك ))
السبب الثالث
مع الخيل ياشقراء
الناس حشت بفلانه بتحشين والناس رفعت فلانه بترفعينها والله وأنتي ماله أبو جدك داعي بالسالفه لكن عشان ماتكونين منبوذه بوسط شلة الدمار
هع الله يشفيك لو كنتي كذا حالتك ياغلاي مره صعبه لأنك ببساطه إمعععععععععه معاهن معاهن عليهن عليهن طيب ليه وين شخصيتك وإلا مكانتك عندهن ماتسوى شي وقدرك عندهن غيبة فلانه وعلانه وافقتيهن حياك ماوافقتيهن بألفين طقاق فيك وتنطردين برى الشله
الحل وين شخصيتك أنتي لازم تثبتينها ولازم تثبتين وجودك كوني قايده في الخير مهوب تابعه في الشر وعمر جدهن لا يعزنّك مادام معزتك ماتجي إلا بمعاداة فلانه وغيبتها يالله العافيه إعتزلي هالمجالس أنفع لقلبك وأزكى واللي تحبك بصدق بتحترم قرارك وماترضى عليك ومن ترك شيئا لله عوضه الله خيرا منه وأنتي اليوم معهن بكره كلهن ضدك لأن هالأشكال مالهن حبيب ولا لهن صديق
وترى حتى بالدين مايحل لك تقعدين معهن قال تعالى (( ولا تقعد بعد الذكرى مع القوم الظالمين)) وهذي من فتوى إبن باز الله يرحمه بأنه مايجوز تقعدين مع اللي يغتابن عليك نصحهن إن إستجابن فحسن وإلا عليك مغادرة المجلس حتى يخوضوا في حديث غيره
والسبب الرابع
إنتقاااااااااااااااااااااااااااام
يعني فلانه سابتك أو فلانه طاقتك أو علانه مرسبتك أو بنت فلان مفرجه عليك نص الساحه هذاك اليوم أو المديره كاشه كشتك بالطابور أو فلانه مسويه الكون حزب ضدك بجمعة العايله و000000
فأنتي فجأه صرتي قويه وقررتي تأخذين حقك بالحش والنش والإشاعات ومايظل قاصي ولا داني وإلا وعرف بعيب فلانه وعلانه اللي بينك وبينها ثار والسبب إنتقام
أول شي بسألك فيه قبل الحل أنتي بهالطريقه قدام نفسك وش تشوفين هل تشوفين بأنك قويه وماشاء الله عليك ورديتي لها الضعف ضعفين ومدري وشو عنتر الغفله صايره
وهل ترتاحين وتحسين بأنك أخذتي كامل حقك منها!!!!!!!!!
أشككككككك لأنك ماأخذتي منها حقك بالعكس عطيتيها زادك والطريق موحش وطويل عطتيها حسنااااااااااااااااااااااااتك وخذتي سيئاتها!!!!!!!!!!!!!!!!!!!!!!!!!!!
الحل قولي بوجه اللي ظلمتك حسبي الله ونعم الوكيل وأفوض أمري إلى الله إن الله بصير بالعباد
ساعتها راح تهزينها من دااااااااااخل وراح تحس بخطاها وتتمنى أنها تعتذر منك وحتى إن كابرت فأنتي أخذتي حقك منها وخليتيها تندم على سواياها
وأنتي إذا فوضتي أمرك للجبار هل تتوقعين إنه راح يضيع حقك !!!!!
لا والله فإنه سبحانه لا يعجزه شي فالأرض ولا في السماء وهو السميع العليم ولينصرنك بنصره من حيث تيأسين ومن حيث لاتحتسبين سبحانه
فدعوة المظلوم ليس بينها وبين الله حجاب ولينصرنها سبحانه ولو بعد حين
فقارني كيف تبين تأخذين حقك وبأي طريقه؟؟؟؟؟؟؟؟؟
السبب الأخير
فضااااااااااااوة وقت
ماعند أبو جدك سالفه قمتي حشيتي بفلانه وعلانه وإكتسبتي عشرات الآثام فوق إثمك
أولا ضياع وقتك في شي مهوب مفيد وياليته بس مهوب مفيد إلا كبيره من الكبائر
ثانيا زيادة غفلة قلبك بسبة كثرة ذنوبك
وغيرهاااااااا كثير لو نسألك ليه ماتحفظين قرآن أو تسمعين محاظره أو تقرين كتاب تعللين والله البيت والعيال والزوج والشغل واللي يسمعك يقول كوندليزا رايس من كثر الشغل تكفين يالمهمه هع فالغيبه والمجلات والطلعات ماقلتي مشغوله
الحل من ترك نفسه للفراغ شغلته نفسه بالمعصيه
يعني نفسك إذا صرتي أنتي فاضيه لازم تعطيك معاصي تسوينها وتذكرك بها
فخليك مفيده لك دور بالحياه روحي تحفيظ سمعي شريط ديني على الأقل أقري سطر من التفسير باليوم مره صلحي بين الناس علمي عيالك سوره صغيره سوي طبخه وديها المسجد يوزعها الإمام على العمال
خلك مفييييييييييييييييييييييده لأن العمر قصير قصير وحنا غافلات يالله العافيه
يتبع الطرق الصحيحه للنصح في مجالس الغيبه
بناااااااااااات رجاء لا وحده ترد إلى من أكمل رجااااااء عشان الموضوع مايتقطع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الأحد يونيو 01, 2008 5:56 am

طيب لو كنتي أنتي ذووووووووق ومانتيب راعية غيبه ولكن تبين تعرفين كيف تنصحين اللي تغتاب
أول شي لازم ماتكونين سلبيه وتمشين من المجلس وبس من دون نصيحه
ثاني شي لازم تكون النصيحه بذوق لأنك ماوكلتي على الخلق عشان تجلدينهم أو تذبحينهم
ثالث شي لازم تعرفين 3 أمورومنها تحددين طريقك بالنصح
أ- الفئه اللي أنتي تنصحينها هل هن بنات أو حريم أو عجايز لأن كل فئه لها مفتاحها
ب- علاقتك بهذي الفئه يعني هل هن قريباتك أو تعرفينهن أو أول مره تشوفينهن
ج- الحاله المزاجيه لهذي الفئه معصبات0 رايقات0 عادي0 طفشانات وكذا
رابع شي تكونين واثقه من نفسك ومستعده لأي شي يجيك ولا تحطمين عمرك وتعتزلين النصح بسبة موقف من هذي أو ذيك لأن الأجر مهوب من الناس الأجر من ربي وربك اللي بيده خزائن السماوات والأرض
فئة البنات
1- تعرفينهن من قبل وعادي قد تكلمتن بحياتكن مع بعضكن
أول شي لازم تدخلين مدخل حسن وبأسلوب راقي وتعطينها آيه أو حديث وإذا مانفع غيري السالفه أنتي وجيبي لهن آخر أسماء العطور أو المكياج أو أي شي يهمهن وبكذا راح تكسبينهن بصفك لأنك عطيتيهن شي يشدهن ويشغل وقتهن وعلقي على فستان فلانه أو شعرها وقولي لها ماشاء الله وش حليلك ذوق وكذا دوم مدحيهن وأثني على الأشياء البارزه عندهن من مواهب وغيرها
وإذا مافيه فايده كثري الإستغفار بصوت مسموع وقولي ((( اللهم لاتؤاخذنا بما فعل السفهاء منا)))
وراح يستحن على وجيهن صدقيني
2- لوكنتي ماتعرفينهن
تعالي بكل ذوووووووق وقولي لهن بهدوء بأنك إرتحتي لهن وتعرفي عليهن وعلى أسمائهن وش هواياتهن وقولي بصراحه عجبني بك كذا وكذا ماشاء الله
ثم بعد فتره قولي لهن يالله يابنات فرصه طيبه تعرفت عليكن مع إني بالبدايه ترددت لأنكن تغتابن فخفت قلت يمكن يطلعن راعيات هذره وكذا لكن ماشاء الله طلعتن ذووووووق
والله يهديكن عن هالغيبه وبيني لهن حكم الغيبه وكذا ماراح ينتبهن بأنك جايه تنصحينهن
شي مهم جدا الحاله المزاجيه
أخطر شي فيها إذا كانت المغتابه معصبه فأنتي لا تنصحينها على طول لأنك بتزيدينها أنتي بس بالبدايه هديها وخليها تقول أعوذ بالله من الشيطان الرجيم
وقولي لها معك حق لو كانت مظلومه بس أنتي هدي اللحين وبعدين يصير خير والحق عند الله مايضيع والله أكبر
وصبريها وذكريها بعظمة الجبار لحد ماتحس بأنك مانتيب ضدها
فئة الحريم تشابه فئة البنات كثير بس الفرق نوعية المواضيع يعني جيبي لهن مواضيع عن العيال والزوج والبيت وأحسن عطر وأرخص محل وماسكات بشره وشعر وحنايه وكوافيره وكذا هههههههه ياكثر المواضيع طبي وإختااااااااااري هع
الفئه الحديديه فئة العجااااااايز
ههههههههه سميتها حديديه لأنهن في الغالب بيقلن لك ماعاد إلا هي بنت من بناتي تعلمني هههههه
فأنتي في كل الأحوال أنتبهي تقلين لها حرام وحلال لالالالالالالالالالا هذي كارثه
بس الأفضل تسولفين معها عن نعيم الجنه وعذاب النار وبالوسط تجيبين عذاب اللي يغتابون وإن اللي يغتاب يغضب الله عليه وكذا
راح تحترمك وتفهم من نفسها وملحووووووووظه خليني أكتبها بالأحمر وتولع وماعاد تنسينها ههههههه
جيبي لها كتاااااااااب وإقري فيه عن العذاب والنعيم
عشان تصدقك لأنك توصلين لها بطريق مهوب مباشر بأن الكلام مهوب كلامك يعني مهوب أنتي اللي تعلمينها هذا من فتاوى الشيوخ وأنتي بس تقرينه
أخيررررررررررررررررا
بنات اللي ودها تناقشني بأي حاجه تكتبها وأنا مستعده أنصحها باللي أقدر عليه
وإذا أعجبكن موضوعي أدعن لوالدي الله يرحمه بالرحمه والغفران ولأمي بطولة العمر على الطاعه والخير والصحه
ولي بالهدايه والثبات ولجميع المسلمات
أختكن في الله
وجااااااااااااااااااااااااااين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
بنوته تركوازيه
مشرفه ذوووووووووووق
مشرفه ذوووووووووووق
avatar

انثى عدد الرسائل : 258
المزاج : في قمة السعاده دام لسان رطب بذكر الله
جنسيتك :
تاريخ التسجيل : 31/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الأحد يونيو 01, 2008 8:13 am

الله عليك وجونه جبتيها
اي والله الغيبه مرض بس دعواتك والله انا خايفه منها بجد
الله يستر علينا وعلى المسلمين جميع
ياربي كل مابغيت اكف اقول حرام تبدى لي سالفه جديده الله المستعان
والله والله عارفه الحكم لكني اوووووووووووف استغفر الله
متى يجي اليوم اللي اترك فيه هذي العاده السخيفه اللي اعتدتها
ياربي
اهم شي وجووووووووووووووونه نصيحتك لي ولاخواتنا اللي مانكف عن اذيت الناس بالسنتنا الله المستعان ولاحول ولاقوة الا بالله
هذه صحوة قلب وجونه معليييييييييش والله ماخبيت عليك شي
هذا كل اللي بقلبي وهذا معذبني صار له زمان تكفين الحل والدعاء
جزاك الله الجنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طموحه
بنوته ذوووووووق
بنوته ذوووووووق
avatar

انثى عدد الرسائل : 43
المزاج : =)
تاريخ التسجيل : 31/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الأحد يونيو 01, 2008 5:40 pm

مشـــــاء اللــهـ عليج وجــون

أسلـــووب في الكتـــابهـ

::::::::

أنــــا عــن نفســي أحــــاول بكل جهدي اني ماأغتاب

وأحذر اللـــي حــولي

بــس اللـــهـ يفكنــا منها !!

جـــــزاج اللــهـ خير وجـــــون


=)
[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الإثنين يونيو 02, 2008 7:08 am

بنوته تركوازيه كتب:
الله عليك وجونه جبتيها
اي والله الغيبه مرض بس دعواتك والله انا خايفه منها بجد
الله يستر علينا وعلى المسلمين جميع
ياربي كل مابغيت اكف اقول حرام تبدى لي سالفه جديده الله المستعان
والله والله عارفه الحكم لكني اوووووووووووف استغفر الله
متى يجي اليوم اللي اترك فيه هذي العاده السخيفه اللي اعتدتها
ياربي
اهم شي وجووووووووووووووونه نصيحتك لي ولاخواتنا اللي مانكف عن اذيت الناس بالسنتنا الله المستعان ولاحول ولاقوة الا بالله
هذه صحوة قلب وجونه معليييييييييش والله ماخبيت عليك شي
هذا كل اللي بقلبي وهذا معذبني صار له زمان تكفين الحل والدعاء
جزاك الله الجنه


الله يحفظك ويحفظ خواتك وجميع المسلمات ويحفظ ألسنتكن عن الغيبه
وأسأل الله لي ولكن رحمته
واسأله سبحانه أن لايجعلنا نقول إلا مايرضيه
ويردعنا عما يغضبه
جزاك الله جنانه ياغلاي على المرور
وعلى المشاعر الصادقه الله يتقبل منك ويعينك
كثري اللهم أعني على ذكرك وشكرك وحسن عبادتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الإثنين يونيو 02, 2008 7:10 am

طموحه كتب:
مشـــــاء اللــهـ عليج وجــون

أسلـــووب في الكتـــابهـ

::::::::

أنــــا عــن نفســي أحــــاول بكل جهدي اني ماأغتاب

وأحذر اللـــي حــولي

بــس اللـــهـ يفكنــا منها !!

جـــــزاج اللــهـ خير وجـــــون


=)
[b]


ههههههه تسلمين ياطموحه
ياغلاي الله يهديك ويعينك
أنتي حاولي وحاولي
ترى أعظم الجهاد جهاد النفس
اللهم إجعلني خيرا مما يظنون وإغفر لي مالا يعلمون
جزاك الله خير ياغلاي على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
ساره
غلا الذوق ( مشرفه عامه)
غلا الذوق ( مشرفه عامه)
avatar

انثى عدد الرسائل : 639
المزاج : رااايقه وفايقه
جنسيتك :
تاريخ التسجيل : 31/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الثلاثاء يونيو 03, 2008 2:14 am



وجونه موضوعك جدا رائع

والله يعيننا على ترك هذي الصفه السيئه

لكن بوجود الأصرار والمحاوله بإذن الله

تختفي شئ فشئ والتذكير بسوء الغيبه

يحرك في احساسنا ووجدانه ذم الغيبه

وجوونه يعطيك يارب الف عافيه على التذكير

والله لا يحرمنا جديدك ’’’’ قولي امييين

ترا بسمعها ..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أملي بالله
مشرفه ذوووووووووووق
مشرفه ذوووووووووووق
avatar

انثى عدد الرسائل : 301
الموقع : IN The north of the kingdom
المزاج : Like every day
تاريخ التسجيل : 31/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الثلاثاء يونيو 03, 2008 3:51 am


مــــــــــــــوضــــــــــــــــوع





وجــــــــــــــــــــزاك الله كل خيــــــــــر


والله يا وجاين

ان الموضوع هذا هو اللي يشغلني دايم

لما اجي احط راسي على الفراش

واتذكر ايش سويت طول اليوم

القى اني جلسة بمجلس كله حش وغيبه

واحيانا اشترك فيه << استغفر ربي

لكن من اشتركت بالدار للتحفيظ

الحمد لله خفت الله في كل شي

لكن المشكله عندنا

مجتمعنا النسائي << الله يستر عليهن

ما يتقبلن بالساهل النقاش

الله يغفر لنا ويرجمنا

وياوجـــــــاين

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الثلاثاء يونيو 03, 2008 4:05 pm

ساره كتب:


وجونه موضوعك جدا رائع

والله يعيننا على ترك هذي الصفه السيئه

لكن بوجود الأصرار والمحاوله بإذن الله

تختفي شئ فشئ والتذكير بسوء الغيبه

يحرك في احساسنا ووجدانه ذم الغيبه

وجوونه يعطيك يارب الف عافيه على التذكير

والله لا يحرمنا جديدك ’’’’ قولي امييين

ترا بسمعها ..





جزاك الله جنانه ياساره
على المرور
ويابعدي مجاهدة النفس هي أعظم مجاهده
الوحده لازم تجاهد وتجاهد
حتى لوماإنقطعت نهائيا
على الأقل بالتدريج تترك
مهوب مره وحده
وعلى دعوتك بقول لك آآآآآآآآآآآآآآآآمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: إذا أنتي تغتابين أو أنتي متضايقه من الغيبه حياك عندي شوي   الثلاثاء يونيو 03, 2008 4:09 pm

أملي بالله كتب:

مــــــــــــــوضــــــــــــــــوع





وجــــــــــــــــــــزاك الله كل خيــــــــــر


والله يا وجاين

ان الموضوع هذا هو اللي يشغلني دايم

لما اجي احط راسي على الفراش

واتذكر ايش سويت طول اليوم

القى اني جلسة بمجلس كله حش وغيبه

واحيانا اشترك فيه << استغفر ربي

لكن من اشتركت بالدار للتحفيظ

الحمد لله خفت الله في كل شي

لكن المشكله عندنا

مجتمعنا النسائي << الله يستر عليهن

ما يتقبلن بالساهل النقاش

الله يغفر لنا ويرجمنا

وياوجـــــــاين



ياغلاي من ذووووووووقك تشوفين مواضعي مميزه
ياغلاي ترى الناس تجرك للخطأ والذنب
هذي حال الدنيا ياما وياما ناس طاحوا بمصايب تشيب الراس
كله بسبة الناس
ويوم القيامه كلهم يسبون بعضهم بعض
فأنتي خلي لك قاعده ثابته ماعليك من أحد
خليك واثقه وكملي المشوار
والدعوه إلى الله فيها مصاعب
وبدايتها دايم صعبه
طريق مليان عثرات
لكن لازم نخوضه بالصبر
مبروك دخولك تحفيظ القرآن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
 
إذا أنتي تغتابين أو أنتي متضايقه من الغيبه حياك عندي شوي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سمو الذوق للبنات فقط :: مجلس الحريم :: سواليف-
انتقل الى: