منتديات سمو الذوق للبنات فقط



 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قبل ماتفقديهم إعرفي قيمتهم تعالي أعلمك كيف تحبين

اذهب الى الأسفل 
كاتب الموضوعرسالة
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: قبل ماتفقديهم إعرفي قيمتهم تعالي أعلمك كيف تحبين   السبت نوفمبر 15, 2008 5:42 pm

بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين نبينا محمد وعلى آله وصحبه ومن تبعه بإحسان إلى يوم الدين أما بعد:
ياعين لا تبكي على فقد من راح
عمر البكا ماجاب مفقود لفقيده
يابنت كفي من سنه وأنتي بنواح
مالله أمر تبكين أعوام ٍ مديده
اللي حصل مكتوب ومامنه مرواح
ربي أخذ غاليك بحكمه سديده
يابنت لو تملانا أحزان وجراح
مايرجع الميت ولا نستعيده
كفي البكا وإرفعي الصوت صداح
هذا حكم ربي علا* مانريده
**** علا*** : إرتفع
إعذروني يابنوتات إني بديت موضوعي بقصيده حزينه من كتاباتي قدمتها عشان تحكي حالي بعد مرور سنه من وفاة الغالي أبوي الله يرحمه وجميع موتانا وموتى المسلمين ويسكنهم جميع جنان النعيم ويرحمنا إذا ماصرنا إلى ماصاروا إليه
ولكني بديتها بحزن عشان أبين لكن كيف عظم الألم اللي يسببه وفاة أحد الوالدين أو كلاهما بقلوب عيالهم
ياغلاي أنا كنت بنت أسمع من حولي هذي أبوها متوفي هذي أمها متوفيه فلانه اللي درست معنا بالمتوسطه أبوها توفى وووووو
ولكن والله عمري ماحسيت بشعور فقد الوالدين إلا يوم جربته
أنا عمي توفى قبل أبوي الله يرحمهم وجميع موتانا وموتى المسلمين
بس عمري ماحسيت بإحساس بعياله صح كنت أقول الله يكون بعونهم كيف راح يعشيون من غير أب من جميع النواحي مافكرت بالماديه بس فكرت بالعاطفيه والإجتماعيه وكل شي
ولكن عمري مافهمت الشعور صح إلا يوم جربته
تعرفون يابنات إنه شعور مؤللللللللللللللللللللللللللللللللللللللللللللللم لو أتكلم عليه من اليوم للسنه الجايه ماأقدر أوصفه لكن صح الله يحفظ لكن آبائكن وأمهاتكن
بنات أول شي راح أحكي لكن عن عمي وتعامله مع بناته وبعدين راح أحكي لكن عن شعورهن يوم فقده
عمي الله يرحمه كان قاسي شوي عليهن وكل شي هن محرومات منه حتى مصروف العيد كان يقصر عليهن فيه وأشياء كثيره الله يرحمه كان يقسي عليهن فيها
ومضه : إعتبري ياللي شلتي الدنيا على هلك عشان جزمه وإلا إكسسوار بالعيد ماشريتيه وأنواع السب والشتايم وحسيتي نفسك مظلومه وهم قاسين وإلخ في حين أنتي من ضيع مصروفه بكامل الإستهتار والطيش إعتبري عل وعسى يتصلح شي من اللي كسرتيه بينك وبين هلك
المهم نرجع لحديثنا بعدما سمعت خبر موته طبعا هو مات الله يرحمه بسبب إنه كان مسحور من وحده ظالمه الله ينتقم منها وهو لما مات كان بالأربعينات من عمره الله يرحمه ويدخله الجنه
المهم لما سمعت خبر موته توقعت إنه ماراح يبكيه إلا بنته الكبيره لأني كنت أعتقد من كثر قسوته على بناته إنهن ماعدن يهتمن بوجوده أو عدمه
لكن إكتشفت إنه مهما كانت الظروف والأوضاع القاسيه يطغى الحب الفطري النظيف يطغى حب الأبوين مهما كاااااااااااااااااااااااااااااااان
فشفتهن بالعزاء بكاااااااااااااااااااااا وبكااااااااااااااااااااا تقطع قلبي عليهن وبكيت معهن من دون شعور ماأفهم وش قاعد يصير بس أدري بإن عمي الله يرحمه مات وإنه بناته حزينات
وبعد العزاء بثلاث أيام كلنا عادي رجعنا لحياتنا الطبيعيه وتناسينا إنه فيه ناس للحين قلوبهم مذبوحه والله ماكنت أعرف معنى شعورهن صح كنت أتوقع بيبكن شوي وخلاص بيوكلن أمرهن لله سبحانه
ومرت سنه وأكثر ولا جاء عل بالي أبد إنهن للحين حزينات على أبوهن
كنت أعتقد إنه الأب القاسي راح نبكيه إذا مات بس راح نبكيه شوي مهوب يظل موته جرح بالقلوب إلين شفت بنات عمي بواقع مرير بعد وفاة أبوهن وماخفي كان أعظم ولكن حنا مهوب بصدد ذكر تفاصيل أكثر عن الحياه بعد موت الأب أو الأم
ومضه : دايم تأكدي وأنتي تتعاملين مع أبوك أو أمك إنهم نعمه من الله سبحانه وتعالى وإنك بيوم من الأيام ممكن راح تفقدين هذي النعمه وعندها والله راح تتمنين بس يرجعون للدنيا وتبوسين رجولهم سامحوني على كل لحظه قصرت فيها بحقكم لكن ماتلاقين غير صدى صوتك يتردد بكل مكاااااااااان بدون مجيب
وبعدها بسنه وشوي توفى أبوي الله يرحمه ويرحم جميع موتانا وموتى المسلمين ويجمعنا بهم في جنان النعيم أول ماسمعت الخبر كنت سااااااااااكته أدور دموع يمين شمال ماتطلع أحس إني بدوووووووووووامه كل سنيني معه تذكرتها بلحظات كنت أردد بخاطري مات أبوي كيف وليه ومتى وووووو بس كنت ساكته مدري حسيت بداخلي إنه في ناس حبوه أكثر مني في ناس عاملوه بطيب وأخلاق أكثر مني فاليوم يوم مات هم اللي يستحقون يبكون عليه أكثر مني كنت أقصد أمي وإخواني وأخواتي كنت إذا شفت أحد منهم يبكي قلت يالله ودي أبكي مثلهم لكن بقلبي ألم يمنعني عن التعبير ولو بدمعه كنت أحاول أهدي الجميع فجأه صرت القياديه صرت أهدي أمي وأخواتي وإخواني بطريقه أو بأخرى
المهم كنت شوي صامده لكن والله كنت أحس بداخلي اللي فيني مدري وشو هو رضا هو تبلد هو قسوه ماااااااااااااااااااااااااااااااااااأدري لكن ماكنت أبكي إلا رحمه باللي حولي أما أبوي ماكنت أقدر أبكي عليه مدري ليييييييييييييييييييييييييييه كانت دموعي تنحبس وكان فكري تايه بسبة إنه كيف أبوي مات هو توه ماعجز هوعمره 51 هو مات فجأه وبدون مرض وبفراشه
آخر مره شفته بثاني العيد لأنه أنا أدرس مع إختي وأخوي بمنطقه ثانيه
كيف صار كذا كيف مات وصرت أفكر وأهذي بداخلي أنا وهو وأنا وإخواتي والدنيا والناس والعالم ووووووووووو
يالله رحمتك وش صابني ماأدري كل عبارات التعبير اللي ممكن أي نسان يعبر بها بعفويه فقدتها صار عندي إحساس متبلد متى بكيت لأول مره بحريه بدون تفكير أو حيره
يوم جت أم صديقة عمري لأنه صديقة عمري كانت مسافره شهر عسل ولا حبيت أحد يقول لها قلت بخلي الموضوع بخاطري وماأبقى أحد يعلمها عشان لا تنفجع
فيوم جت أم صديقتي بكيت من قلبي بحريه لأنها ذكرتني بصديقتي فتخيلت إني أبكي في حضن صديقتي وأشكي لها عن الدنيا و وش سوت بي
ومضه : فقد الأب أو الأم مصييييييييييييبه عظيمه عندها ماتتجلى المشاعر صح لالالالالالالالالالا تطغي على الإنسان مشاعر ذهول فضيعه يكره معها حياته ونفسه ويستصغر كل شي بهالدنيا من ملذات ومتع لكن لا تعتقدين إنه اللحظات الأولى لفقدهم هي أصعب اللحظات لالالالالالالا ترى توك ببداية الطريق مابعد جاك المطر على مايقولون أصعب اللحظات هي لما تمر الأيام والأيام وأنتي ماتشوفيهم قدامك فحبي هلك صح وإعرفي إنه مهما كان ومهما سوا بك والله عند فقدهم يزول أي شي من متع الدنيا اللي عقيتيهم بسببها !!!!!!!!
يتبع

_________________




عدل سابقا من قبل &وجاين& في السبت نوفمبر 15, 2008 5:45 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
& وجاين&
الذوووووووووق كله
الذوووووووووق كله
avatar

عدد الرسائل : 367
جنسيتك :
تاريخ التسجيل : 30/05/2008

مُساهمةموضوع: رد: قبل ماتفقديهم إعرفي قيمتهم تعالي أعلمك كيف تحبين   السبت نوفمبر 15, 2008 5:44 pm

المهم بعد العزاء جانا الحداد لأمي بس يعني حنا مانحد على أبونا غير ثلاث أيام بس مثلما أنتن عارفات
وبعدها حسيت بضياااااااااااع لأني تخرجت قبل وفاة أبوي الله يرحمه بأربع شهور فصرت قاعده بالبيت من زين الوظايف يالله سترك
المهم يعني أنا فاضيه والألم راح ينتشر بروحي بشكل أكبر وأوسع بعد مرور إسبوع توي أحس صدق بفقده توي أحس إنه مر إسبوع وأبوي ماجا ولا شفته قبل كنت أقول لا أبوي مامات أبوي بالشغل أبوي مسافر أي شي بس عشان أبعد فكرة إنه مات من قلبي المهم وبعد إسبوع مثل ماقلت لكن جتني نوبة بكا مهيب صاااااااحيه وكنت أقول بخاطري أبوي ماااااااااااااات كنت أصرخ فيها بقلبي ماكنت أبقى أطلعها لأحد كنت أحس بألم وهم ولكن هذا قضاء الله وقدره
تذكرت أبوي وكأني كنت طول هالإسبوع اللي مضى ناسيته تذكرررررررررررته إيه أبووووووووووووووووووووووووي اللي كان وأنا صغيره واللي كان وأنا كبيره واللي كان واللي كان واللي كاااااااااااااان
تذكرت كل شي ولكن تذكرت قبل كل شي إنه اللي أخذ روح أبوي
هو الله الذي لا إله إلا هو الحي القيوم
الذي إذا أراد أمرا فإنما يقول له كن فيكون
الذي بيده الملك وهو على كل شي قدير
الذي خلق الموت والحياة ليبلوكم أيكم حسن عملا وهو العزيز الغفور
فتراجعت عن أفكاري وذكرياتي لأنها مدخل للشيطان عشان يحزني ويبكيني ويخليني أجزع وأعترض على أمر ربي
فتركت كل دموعي وبكاي الصامت على المخده وقلت لا إله إلا الله محمد رسول الله
ومضه : لكل وحده فقدت أب أو أم أنا أدري ياغلاي إنها مصيبه عظيمه ولكن اللي خذاهم هو رب العالمين وهو سبحانه أرحم بهم منا وعارف إنه الموت خير لهم من هذي الدنيا فياغلاي وكلي أمرك لله وكفي بكى أدري إنه أمر صعب ولكنه مهما كاااااااان تذكري مصيبتك العظمى بالدنيا وهي فقد نبينا محمد صلى الله عليه وسلم ووكلي أمرك لله فإنه لن يضيعك
بنات صدقنّي بعد ماتفقدن شي غالي تحسن بقيمته فالله يحفظ لكن كل غالي
فعشان كذا ياغلاي قبل ماتفقدين الغالي حافظي عليه وأعطيه حقه
الأم والأب والإخوان والأخوات والأعمام والأخوال والجدان والجدات والنااااااس كلهم تعاملي معهم بذوق مهما أخطوا بحقك تذكري إن ربك بصير سميع ويوم القيامه راح تجتمع الخصوم فلا تظلمين ولا تُظلمين
ومضه : البنت اللي وطت راس أبوها في الأرض وهو عايش عليها
خافي ربك ياشيخه تراك ماظلمتيه هو وبس ولا إنتقمي منه بسبب إهماله لك وبس أنتي ظلمتي نفسك وأغضبتي ربك ولا تأمنين عقابه وجلدك مايقوى على النار فخافي ربك في نفسك قبل ماتخافين ربك في هلك وتذكري إن أبوك رباك وصرف عليك دم قلبه عشان ترفعين ذكره بالدنيا والآخره مهوب عشان تخونينه وتطعنين ظهره بسكين ولد تاااااااافه مايسوى تراب رجليه خافي ربك خافي إنه إذا ما نصبت الموازين يوم القيامه والله حكم بينك وبينه ووقفتي بين يدي الله جل وعلا ثم قال أبوك يارب ربيتها وأحسنت تربيتها ومارميتها بدور رعايه وخانت العهد وإنتقمت وزنت وعصتك يارب
أسألك يالغافله وش ردك تكلميييييييييييييييييييييييي ؟؟؟؟؟؟!!!!!!!!!!!!!!!!
خافي ربك يالظااااااااااااااااااااااالمه عشان دنيا فلوس وإلا مشاعر تبيعين شرفك
خافي ربك كسرتي ظهر أبوك بطيش وقلة حياااااااااااا
وماراح تعرفين صدق كلامي إلا إذا طاح الفاس بالراس وفقدتي غالي حماك بكل مايقدره ولكن ماكنتي كفو لثقته ولا حتى كنتي كفو لإسمه!!!!!!!!!!!!!!!
بنااااااااااااااااااات أنا كتبت موضوعي ودخلت فيه بسواليف كثيره بس عشان أبين لكن شغله إنه مهما كانت قسوة الأم أو الأب لازم نعرف إنه مافي أحد من البشر الأحياء يحبونا أكثر من أبائنا وأمهاتنا
لازم نعرف إنهم مايمنعونا إلا عن الشي الغلط ولازم نعرف نضحي مهوب كله هاااااااااات هااااااااااااااااات بالأشياء الماديه أو الحاجات العاطفيه ناخذ ولا نعطي
ولا نتصرف معهم بقسوه وجفاء عشان حاجتنا وطلباتنا تتنفذ لازم نعرف إنه الأب أو الأم إذا إمنعونا من صديقه أو إمنعونا من الطلعه لبيتها إنهم يمنعونا عن شي يضرنا والتجارب خير برهان
كلامي لكل بنت تظن إن أبوها أو أمها مايحبونها لسبب تافه في قلبها مثلا يرفضون العرسان أو مايعطونها مصروف قوي أو مايشترون أو مايسون أو هي تبي مشاعر تبي أحاسيس وكلام ووووووو
أقول لها إقري قصتي وقصة الملايين غيري بعد فقد آبائهم أو أمهاتهم وتعالي قارني اللي عندك باللي عندي
أنا الحمد لله رب العالمين الله منعم علينا بأموال و ورث وعندي مصروف وماقصر علي شي بعد وفاة أبوي الله يرحمه ويسكنه الجنه وجميع موتى المسلمين
لكن أنا أبادلك خذي فلوسي ورجعي لي أبوي ولو يوم واحد!!!!!!!!!!!!!!!!!!
خذي طلعاتي ورجعي لي أبوي ولو يوم واحد !!!!!!!!!!!!!!
خذي اللي تبينه مشاعر كلام أحاسيس اللي تبينه بس رجعي لي أبوي ولو يوم واحد!!!!!
ياهل ترى تبادلين بأبوك أو أمك عشان ولد تافه غازلك بالحرام!!!
أو تبادلين بهم عشان فستان ماشريتيه وعاجبك !!!!!!!!!
أو تبادلين بهم عشان طلعه لبيت صديقتك !!!!!!!!
أو تبادلين بهم عشان جوال آخر موديل !!!!!!!!
أو تبادلين بهم عشان عرسان ردوهم عنك لأنهم مايصلحون لك !!!!!!!
أو تبادلين بهم عشان دنيا فاااااااااانيه!!!!!!!!!
أنتي قارني وقرري تصححين وضعك وإلا تقعدين بعقوقك لحدما تفقديهم وتندمين
ومضه أخيره:
تبقين تعرفين قدرهم صح قبل ماتفقدينهم بالدنيا
روحي لدار الأيتام وشوفي البنات أقمااااااااااااااااااااااااار لا إله إلا الله
سبحان من خلقهن
لكن بلا أب أو أم يحمونهم بعد الله من قدر الزماااااااااااان
أتمنى من كل قلبي ياصل صدى صوتي لكل بنت بالدنيا وتفهم كلامي ولاتاخذ قسوتي عليها بمأخذها الحسي أرجوا إنها تاخذها بمأخذها المعنوي وتعرف إني قسيت عليها قبل ماتقسى عليها الدنيا أنا ياغلاي جربت الطريق قبلك (جربت كيف أفقد أبوي الله يرحمه) وشفت الطريق مظلم ولو ترجع الدنيا سنه وحده بس لورى كان حاولت أغير أشياء كثيره لكن إن شاء الله أبره بالدعاء والصدقه فياغلاي لاتمشين بطريق جربوه قبلك وشافوه مظلم وتقولين بجربه إعرفي قيمتهم قبل لا تفقديهم
أختك في الله
وجاااااااااااااااااااااااااين[/size]

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://althoq-23.montadarabi.com
 
قبل ماتفقديهم إعرفي قيمتهم تعالي أعلمك كيف تحبين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سمو الذوق للبنات فقط :: مجلس الحريم :: سواليف-
انتقل الى: